QARDAŞ ANLAYIŞI

Qardaş dedikdə ilk olaraq insanın ağılna onun dayağı, arxası olan qardaşı yada düşür.  Bundan başqa qardaş eyni hissi yaşayan, eyni əqidədə olan və eyni düşüncəyə sahib olan insanlar hesab olunur.   Ümumiyyətlə qardaş necə olmalıdır? 

Qardaşla bağlı bir əhvalat məni belə bir şey haqqında düşünməyə vadar etdi. Universiteti bitirib işlə bağlı Bakı şəhərinə yola düşdüm. 

Şəhərdə əmimgildən başqa Rahim adlı tələbə yoldaşım var idi. Şəhərə gedib ona baş cəkmək hissi məni daha da sevindirirdi. Rahimə baş cəkib gecəni əmimgildə qalıb, səhər tezdən geriyə qayıtmalı idim. Əmimin də  Aqşin adlı oğlu var idi. Aqşin məhəllədə xüsusi hörmətə malik idi. Ömründə həbsdə olmasa da oğru qanunlarını çox yaxşı mənimsəmişdi. Məhəllədə uşaqlar arasında “razborka” olanda Aqşin cənfəşanlıqla o söhbətə qoşular, bildiyi “oğru qanunları ilə ” işi həll edərdi. Buna görə də çox nadir hallarda evdə tapılardı. 

Aqşindən fərqli olaraq Rahim isə onun kimi deyil, sakit təbiətli adam idi. Rahim namaz qılan dindar uşaqlar arsında olurdu. Onların moizəli söhbətlərini buraxmazdı. Buna görədə Rahimə oz aralarında künyə (ləqəb) qoyub onu Abdül-Rahim adlandırırdılar.  

Nə isə. Bunların evdə olmadığını öyrənib vaxtımı kecirmək üçün bir çayçıya gedib həm vaxtımı, həmdə yorğunluğumu almaq qərarına gəldim. Tələbə vaxtından tanıdığım çayxanada Vahid adında oğlan işləyirdi. Vahid o vaxtdan çayxanada işləsədə çayxanasında hec bir dəyişiklik olmamışdı. Təxminən bir saatdan sonraVahidin çayçısından ayrılıb getmək qərarına gəldim. 

Elə ilk olaraq Rahimə dəyməyi qərara aldım. Rahimgilin yaşadığı mərtəbəyə qalxıb qapının zəngini basdım. Qapını Rahimin özü açdı. Məni bağrına basıb qucaqladı. Gəlişimə sevindiyi özündən əks olunurdu. Rahim görmədiyim bu müddət ərzində xeyli dəyişmiş, sacları tək-tük ağarmış, ən gözəgəlimlisi isə onun saqqal buraxması idi. Evə daxil olanda hiss etdim ki, Rahimin bu vəziyyəti, xüsusilə onun saqqal buraxması ailəsində hecdə yaxşı qarşılanmırdı. Evdə Rahimə olan soyuqluqdan bu hiss olunurdu. Bir az söhbətdən sonra Rahim mənə getdiyi yerini dedi. “Bir qardaş var, onun söhbətində getmişdim”.  Mən: “Hardan gəlib?” deyə soruşdum. Rahim cavab verdi: “Səduyyədən”.

 

Rahim o gələn qonaq haqqında cox danışdı. Onun necə Allah adamı olduğunu, hansı biliyə sahib olduğu haqqında hər şeyi danışdı. Rahimdən ayrılıb Aqşini görməyə getdim.  

Nəhayət Aqşinlə görüşdüm. İçəri gedib söhbət etdik. Aqşin də hansısa bir qardaşdan danışırdı. Onun maraqlı söhbətini dinləyib gəldiyini bildirdi. Abdül-Rahim kimi bu da hansısa qardaşı tərifləyir, onunla görüşdə çox məmnun görünürdü. Eyni sualı ona da verdim. Aqşin cavab verdi. “Zondan”  

P.S. Sonradan eşitdim ki, Rahim müəyyən səbəblərdən həbs olunub. Onun yanına gəlib gedən isə qardaşı Camal idi.