Etiketler

12 Mayıs 2014 Pazartesi

UZADILMIŞ DƏRSLƏR



Bu tədris ilindən dərs saatlarının miqdarı artıralaq iyun ayının 14-ə kimi davam etməsi təsdiq olunub. Dərs saatların miqdarı 4 həftə artralaraq 32 saatdan 36 saata qədər uzadılacaq.  

Əvvala onu deyim ki, məsələdən xəbəri olan əksər ziyalı təbəqə dərslərin uzadılması məsələsinin birmənalı deyillər. Bu məsələni hərə özünə görə bir cür izah edir.  


Dərs saatlarının uzadılması ilə bağlı qarşılaşdığımız  bir nece problemi nəzərdən kecirək.

Bu məsələnin əsas tərəfi şagirdlərin elə mart ayından dərslərdə bütöv sinif halında iştirak etməməsidir. Söhbət yuxarı siniflərdən gedirsə sinifdə olan bir necə şagird repetitior yanına yollanırsa, yerdə qalanlari isə “artıq ilin axırıdır bir təhər yola verərik” anlayışından istifadə edirlər.

Ikinci bir məsələ kənd yerlərində may ayının 15- dən sonra meyvə yığımı dövrüdür. Meyvə yetişən kimi təhsilə barmaqarası baxan valideyn uşaqlarını meyvə yığımına səfərbər edəcək. Onu deyim ki, işlədiyim kəndin əsas gəliri gilas olduğundan mayın ilk ongünlüyündən başlayaraq canlanma hiss olunur. Kənd camaatı illik ruzisini meyvə yığımından qazandığı üçün kənd məktəblərində şagirdlərin  dərsdən yayınma halları adi haldır. Belə ki valideyn ailə büdcəsini məhz təssərrüfatdan qazandığı üçün övladlarını fiziki əməyə cəlb etməyə məcburdur.  

 Üçüncü bir məsələ rayon yerlərindən uzaq məsafədə dərs deyən xeyli sayda müəllim kontengenti var. Müəllimlər özlərindən əlavə pul xərcləyərək gedişhaqqı ödəməli olacaqlar.


Təhsilə gətirilən yeni qayda-- kurikulum tələb edir ki, hər mövzunun axırı, ayda ən azı 2 dəfə sınaq test yoxlaması keçirilsin. Buda müəllimlər üçün bir zəhmətdir. Bəzi məktəblər var ki, onlar texnologiyanın son naliyyətləri ilə tam təmin olunmayıb. Belə məktəblərin bir necəsində testləri hazırlamaq üçün müəllim şagirdlərdən pul yığır. (Bu barədə saytlarda cox yazılıb). Gəlib belə vaxtı şagirdlərdən pul yığmaq valideynlərin haqlı narazılığına səbəb olacaq. Təəssüflər olsun ki, bu günə kimi kurikulum tədrisi ilə bağlı məktəblər tam təmin olunmayıb.

Dərs yükün uzadılması həm də bütün günü asfalt yolların kənarında dərsə gedib, dərsdən gələn məktəlilər üçün təhlükə mənbəyidir.

Yay tətilin vaxtında yəni iyun ayında başlaması müəllimlərdə il boyu ərzində yaranmış ümumi yorğunluq hissini atması üçün daha münasibdir. İsti yay günlərində 45 dəqiqə dərs demək həm müəllim, həm də şagird üçün əliverişli deyil.

Yayda həm isti, həmdə zehni əməkdən yorulan müəllim qohumları ilə bir vaxtda istirahətə getməsi qeyri-mümkün olacaq. Müəllim dərslərin başa catmasını, summativlərin yazılmasını, imtahanların nəticələrinin  bəlli olmasını və jurnalları təhvil verilməsini gözləyənə qədər əlavə vaxt itkisinə gətirib çıxaracaq. Belə vəziyyət iyul ayının 15-ə qədər yekunlaşacaq. 

 Onu da deyim ki, yaxşı işlımək üçündə yaxşı istirahət lazımdır.

  Hər il məktəb və başqa təhsil ocaqları inşa etməklə təhsilə dəyər verən dövlətimiz  təhsilin kəmiyyətinə yox, keyfiyyətinə fikir versə daha yaxşı olar.


 

Hiç yorum yok:

Yorum Gönder