Gülüstan məclisi

 

Qubada  çap olunan “Şəfəq” qezetinin redaksiyasında regionun şair və yazışılarından ibarət “Gülüstan” ədəbi- bədii məclisi təşkil olunmuşdur. Məclisin sədri Şıxəmməd Seyidməmmədov bildirib ki, müəyyən fasilələrdən sonra artıq 12 ilə yaxın bir müddətdə fəaliyyətini davam etdirən “Gülüstan” yeni bir inkişaf mərhələsinə qədəm qoyub: “Məclis üzvlərinin yaradıcılıq nümunələrindən hazırlanmış “Gülüstan inciləri” almanaxının 5 toplusu nəşr olunub, oxuculara çatdırılıb. Respublikamızda ilk dəfə uşaqların ədəbi yaradıcılıq nümunələrindən ibarət “Pöhrələrin nəğmələri” kitabı da “Gülüstan”ın töhfəsidir. Son dövrdə “gülüstan”çıların 100-ə yaxın fərdi kitabı işıq üzü görüb, respublikanın 20-dən çox dövri mətbu orqanında onların 1000-dən çox şeiri dərc olunub”. O, tarixi şəxsiyyət olan A. A. Bakıxanovun yadigar qoyub getdiyi tarixi ədəbi abidə -”Gülüstan” elmi ədəbi məclisinin bundan sonra da yaşadılacağını vurğulayıb. Tədbirdə Dağıstan Respublikasındakı “Gülüstan” Yazarlar İttifaqının prezidenti, Moskvada yerləşən Rusiya azərbaycanlıları milli-mədəni muxtariyyətinin və “Azerros” qəzetinin Dağıstan Respublikası üzrə nümayəndəsi, Azərbaycan YB-nin üzvü Tahir Saleh isə Dağıstan-Azərbaycan mədəni əlaqələrinin inkişafından söz açıb. Tədbirdə yazarlar öz şeirlərini də təqdim ediblər. Tədbirin sonunda Ş. Seyidməmmədov “Gülüstan”a qayğı göstərdiyinə görə rayon rəhbərliyinə, xüsusən İcra Hakimiyyəti başçısı Mübariz Ağayevə minnətdarlığını bildirib. Qeyd edək ki, tədbirdə Qubadan, Dağıstandan, Xaçmazdan, Şabrandan olan “gülüstan”çı şair və yazıçılarla yanaşı, rayon prokuroru Nazim Hacıyev, Azərbaycan Jurnalistlər Birliyinin məsul katibi Şahin Babayev, Quba Rayon Ağsaqqallar Şurasının sədri Həsən Günəşli də iştirak ediblər.

Karyerlər yoxlanacaq

Bundan sonra karyerlərin işini yoxlamaq üçün komiyissiya təşkil olunacaq. Bunu Quba rayon İcra Hakimiyyətinin başçısı Mübariz Ağayev Rayon İcra Hakimiyyətinində keçirilən hesabat yığıncağında bildirdi. Qaraçay üzərindəki uçmuş körpüyə münasibət bildirdirən rayon İcra Hakimiyyətinin başçısı sahibkarların məsuliyyətsizliyini ön plana çəkdi. “Burada sahibkarlardan diqqət, ciddi yanaşma  tələb olunur. Hər şey qanun çərçivəsində olmalıdır. Bu  körpünün uçması burada fəaliyyət göstərərn karyerlırin işinin əsas olduğunun bildirib.  Bir təhlükə hiss edildikdə dərhal həyəcan siqnalı çalmalıdır. Burada suyun səviyyəsini göstərən xüsusi nizamlayıcı qurğular olmalıdır. Orada göstərilən ölçünü keçdikdə iş dərhal dayanmalı, lazımı qurumlara xəbər verilməlidir. ” Mübariz müəllim karyerlərin işi üçün komisiya yaradıldığını bildirdi. Onların tezliklə karyerlərin işini yoxlanılayacağını qeyd etdi. Bunun bir siqnal olduğunu xüsusilə qeyd etdi.

Qeyd edək ki, aprelin 18- də saat 03:00-04:00 radələrində Bakı-Quba-Rusiya sərhədi magistral yolunun 156-cı kilometrliyində uzunluğu 90, eni 8 metr olan körpünün 15-20 metr hissəsi uçub. Bu səbəbdən yolda avtomobillərin hərəkəti dayandırılıb. Qaraçayın üzərində yerləşən körpü uçarkən "QAZel" markalı yük maşını çaya düşüb. Avtomobilin sürücüsü Ülfət Hüseynov ağır xəsarət alıb.

Gürcüstanlı qonaqlar Qubada

Qafqaz xalqlarının mədəni irsinin, adət-ənənələrinin, incəsənətinin təbliği istiqamətində fəaliyyət göstərən “Cinemobile Caucasus” qrupu Qubada fəaliyyət göstərən “Yurd” Gənclərin Vətənpərvərlik Klubunun təşkilatçılığı və dəvəti ilə Qubada gənclər üçün Gürcüstan həyatından bəhs edən qısametrajlı filmlərin nümayişini həyata keçirirb.

“Yurd”  klubunun sədri Ramin Mahmudov bildirib ki, həvəskar rejissorlar tərəfindən çəkilən filmlərin nümayişindən əsas məqsəd qonşularımızı daha yaxından tanımaq, eyni zamanda onların bizim haqqında məlumatlılıq səviyyəsini artırmaqdır.

Rayonun aktiv gənclərinin, müəllimlərin iştirakı ilə həyata keçirilən nümayişdən öncə qonaqlar, gürcüstanlı, “Neosfera” Fondunun direktoru Arçil Xetaquri və ruminiyalı xanım, “Qara Dəniz İrs”  Birliyinin direktoru İleana Stanculescu səfərlərinin məqsədlərindən danışaraq bildiriblər ki, bu layihə həvəskar, könüllü gənclərin kinomotoqrafiya sənətinin incəliklərinə yiyələnməsinə şərait yaradılması, eyni zamanda xalqlarımızın bir-biri haqqında yeni bilgilərin öyrənilməsi üçün mühümdür, belə səfərlər təkan verici rol oynayır.

Gürcüstanda istehsal olunan qısametrajlı filmlərin Azərbaycanda nümayişi ilə yanaşı , Azərbaycanın gənc rejissorlarının filmlərinin də Gürcüstanın müxtəlif bölgələrində nümayiş festivalları təşkil edilir.

Daha sonra qubalı gənclər gürcü kinomotoqrafçıları tərəfindən çəkilən 2, azərbaycanlı gənc rejissor tərəfindən çəkilən 1 qısametrajlı filmi izləyib və qonaqlarla birlikdə filmlərin təhlilini aparıblar.

Tədbirin sonunda isə 12 yeni film qubalı gənclərin sonradan izləməsi üçün kluba hədiyyə verilib.

Təhlükəli yol

Paytaxtdan Qubaya gələn yoldakı Qaraçay körpüsü ucduğu üçün Qubaya gələn avtomobillər alternativ yoldan istifadə edirlər. Bu yol rayonun Pirvahid kənd məktəbinin qarşısından keçdiyi üçün burada təhlükəli vəziyyət yaranıb. Belə ki təxminən 175 nəfər şagirdin təhsil aldığı məktəb yolun kənarında yerləşdiyi üçün bu yolla məktəbə getmək şagirlər üçün problem yaradır.  Körpünün uçması ilə Qubaya gələn və buradan qayıdan maşınlar yolda sürəti tənzimləyən və  təhlükə haqqında xəbərdarlıq verən heç bir yol işarəsi olmadığından sürətlə şütüyürlər.  Buda məktəbə gedənlərin  həyatını təhlükədə qoyur. Bu yol 2010- cu uldə Bakı- Quba – Pirvaid- Qonaqkənd istiqamətində çəkilsədə, yolda hərəkəti tənzimləyən işarələr yoxdur. Buna səbəb kimi yolun tamam yekunlaşmadığı göstərilir.

Qubada körpü uçdu.

Bu gün səhər saatlarında Bakı-Quba-Rusiya sərhədi yolunun 156-cı km-də, Qaraçay üzərindəki körpünün bir hissəsi sel suları səbəbindən çöküb. Nəticədə “QAZel” markalı yük maşını çaya düşüb. “QAZel”in sürücüsü, Quba rayonunun İqriq kənd sakini, 1972-ci il təvəllüdlü Ülfət Hüseynov müxtəlif dərəcəli bədən xəsarətləri alıb. Körpü üzərindən nəqliyyat vasitələrinin hərəkəti dayandırılıb.

 qafqazinfo.az- acıqlamasına görə körpünün çökməsinə səbəb 1970-ci ildə inşa edilən körpünün uçmasında yağıntıların və daş karxanalarının rol oynadığını bildirib. O qeyd edib ki, körpünün dibi 13 metr dərinlikdə yuyulub. Quba 6 saylı yol istismar idarəsinindən aldığımız məlumata görə Qubaya gələn avtomobilllər Gəndob-Xaçmaz-Quba və Pirvahid-Nügədi-Quba yolundan istifadə edirlər. Digər bir məlumata görə yeni körpünün tikintisi 2 aydan sonra yekunlaşa bilər.

Müəllimlərlə görüş

B. Səfəroğlu adına Quba rayon Mədəniyyət evində Quba rayon İcra Hakimiyyətinin başçısı Mübariz Ağayev rayonun təhsil işçiləri və müəllimləri ilə görüşmüşdür. Görüşdə əsas məqsəd sagirdlərin orta məktəbi müvəffəqiyyətlə başa vurması, Ali təhsil pilləsinə yüksəlməsi və bununla bağlı problemləri birlikdə həll edilməsidir. Bu işin uğurlu alınması üçün valideyin müəllim münasibətlərinin möhkəm olmasını qeyd etdi.Valideyin daima övladını nəzarətdə saxlamalı, onun dərsləri ilə müntəzəm maraqlanmalı, müəllimlər ilə görüşüb problemləri ilə yaxından tanış olmalıdır. Mübariz müəllimin sözlərinə görə  şagirdlərin ali təhsilə yiyələnməsi üçün onlara tam sərbəst şərait yaradılmalıdır. Məktəb şagirdlər üçün həm təhsil almaq, həmdə asudə vaxt keçirilməsi üçün bir yer olmalıdır. Burada dərsdən əlavə bilik dərnəkləri təşkil olunmalı, intelektual oyunlar, viktorinalar , digər məktəblər arasında bilik yarışları keçirilməlidir. Yaşlı müəllimlərin yubileylərini keçirmək məktəblərdə ənənəvi hal olmalıdır.

Mübariz müəllim yüksək bal toplayıb, lakin maddi çətinlik üzündən ali təhsil  müəssisələrini yarımçıq tərk edən və ya ümuiyyətlə tələbəlik arzusunu ürəyində qoyan abituriyentlərin vəziyyətinə aydınlıq gətirdi. “Belə uşaqlarımız olsa onların valideyinləri Rayon Təhsil şöbəsinə müraciət etsinlər. Təhsil şöbəsi də mənə məlumat versin. Mən özüm şəxsən onlarla maraqlanacağam”. 

Tədbirin sonunda  respublika fənn olimpiadası və idman sahəsində fərqlənən  şagirdlərə, həmçinin təhsildə təlim-tərbiyənin inkişafında fəal olan təhsil işçilərinə qiymətli hədiyyələr verildi.

ŞAHİN yarışları ləğv oluna bilər

Qubada  hər il məktəblilər arasında keçirilən “Şahin” hərbi –idman oyunları bu il keçirilməyəcək. Yarışlara hazırlanmaq üçün məşq  keçirilsədə  sonradan o da dayandırılıb. Rayon Təhsil şöbəsindən bu oyunların keçirilməməsinin səbəbi onlardan aslı olmadığını bildirdi. Bunu rayonda bu yarışı keçirilmək üçün stadionun  olmamasını bildirdilərsə də rəsmi qurumlar tərəfindən bu öz əksini tapmayıb.

"Şahin” hərbi idman oyunları Azərbaycan Respublikası Gənclər və İdman, Təhsil, Müdafiə, Fövqəladə Hallar, Mədəniyyət və Turizm nazirliklərinin, eləcə də Azərbaycan Respublikası Hərbi Vətənpərvərlik İdman Cəmiyyəti və Respublika Veteranlar Şurasının birgə qərarına uyğun olaraq həyata keçirilir.

Bu yarışda Quba rayonun məktəbləri dəfələrlə zona yarışlarında  I yer tutaraq Respublika birinciliyi üçün Bakı şəhərində keçirilən yarışlara vəsiqə əldə ediblər.

 

Qubaya su çəkiləcək

Qubanın su problemi bu ilin axırına kimi qaydasına düşəcək. Bunu Quba su - kanalzasiya ASC- nin texniki nəzarətçisi Etibar Mərdanov R-tv – yə verdiyi müsahibəsində bildirdi.  Onun sözlərinə görə Qubanın Qəcrəş kəndi yaxınlığında Qudyalçayın sahilində tutumu 5000m3 həcimində su anbarı tikilir. Anbar noyabr- dekabr aylarında istifadəyə veriləcək. Su öz mənbəyini Qudyalçaydan alacaq və burada təmizlənərək yeni borularla sakinlərə veriləcəkdir. Mühəndisin sözlərinə görə artıq yeni borular çəkilib. Mühəndis suların bulanlığına münasibət bildirərək dedi ki, suların bulanlıq olması mart- aprel aylarında baş verəcək. Ancaq bu dəfə bu az hiss olunacaq.

Qubaya su çəkildikdən sonra suya sayğac qoyulması istisna olunmur.

Sınaq imtahanları

Aprelin 8- də Qubada Təhsil Nazirliyi tərəfindən təyin olunmuş test-sınaq imtahanları keçirirlmişdir. IX-XI siniflər üçün keçirilən sınaq imtahanında ümumilikdə 3272 şagird iştirak etmişdir. Imtahanlar üçün Qubanın Qırmızı qəsəbə  və Nügədi daxil olmaqla 6 məktəbində keçirilmişdir.

Imtahanların nəticələri gələn həftədən rayon təhsil şöbələrinə göndəriləcək. Təhsil şöbəsindən bildirildi ki, sınağın nəticələrini şagirdlər həmçinin internet vasitəsilə də öyrənə bilərlər.

Qeyd eddək ki, növbəti buraxılış imtahanları cari ilin iyun ayının 18-ə planlaşdırılıb.

H. Əliyev prospekti təmir olunur.

Qubanın H. Əliyev prospektinin yuxarı hissəsi təmir olunur. Bu prospekt əvvəllər bir neçə dəfə təmir olunsada prospektin yuxarı hissəsi BMZ -  nin arxa tərəfindəki küçə  təmir görməmişdir. (Biz bu küşə haqqında əvvəlki yazılarımızda xəbər vermişdik)(http://bizimqezet.wordpress.com/2011/04/15/yarimciq-asfalt/) əldə etdiyimiz məlumata görə Qubanın Qəçreş kəndinə gedən yol bu ərazidən keçəçək. Buna görə də yol yüksək səviyyədə təmir olunur. Belə ki yoldun kənarındakı ağaclar kəsilib, qaz və işıq kabelləri yığışdırılıb. Hal-hazırda isə bu yoldakı kanalzasiya xətt borusu dəyişdirilir. Yolun ən çoxu bir ay ərzində istifadəyə verilməsi nəzərdə tutulur.

Qubanın tarixi əbədiləşdiriləcək

Qubanın tarixi haqqında kitab yazilacaq. Bu kitab üç dildə yazılıb Almaniyada çap olunacaq. Bunu Quba İcra Hakimiyyətinin başçısı Mübariz Ağayev Quba ictimayyəti ilə görüşdə bildirdi. Onun sözlərinə görə bu kitabda Qubanın tarixi daha dərindən araşdırlacaq, Qubanın görkəmli xanı olmuş Fətəli xanın adı bir daha əbədiləşdiriləcək. 

 

Mübariz müəllim Qubadakı muzeyədə öz münasibətin bildirib. “Quba kimi qədim tarixə malik olan bir diyarın tarix-diyarşünaslıq muzeyi bərbad haldadır” Mübariz müəllimin sözlərinə görə Qubada yeni muzey tikilənə qədər aşıq havada yeni muzey fəaliyyətə başlayacaq.

 

Icra başçısı Quba adının müqəddəsliyini bildirdi. “Quba İslam peyğəmbəri Hz Muhamməd (s. ə. s) Məkkə ilə Mədinə şəhəri arasında tikdirdiyi ilk məscid olub”

Səməni atma mərasimi

Qubanın özünəməxsus adətlərindən biridə Novruzdan 13 gün kecəndən sonra səməni atma mərasimidir. Bu mərasim Qudyalçayın Qubanın aşağı ərazisidən keçiən hissəsindən, el arasında damba deyilən yerdə baş verir.  Bu gündə adəti üzrə orada xeyli insan var idi. Ora toplananların əksəriyyəti gənc qızlar və oğlanlardan ibarət olur. Aralarında əsgərdən tutmuş,  yaşlı nənələrə də rast gəlmək olurdu. Bu adətin əsas məqsədi Novruzda qoyulmuş səmənini niyyət edib axar suya atmaqdır. 

Orda olan insanların dediyinə görə bu adət Qubada coxdan qeyd olunur.  Quba sakinlərindən olan Cövdət Şeydayev bu adətin xeyrini xüsusilə vurğuladı. “Bunun özəlliyi ondadır ki, bu gün uzaq yerdə yaşayan insanlar o gün bir- birlərini görür,bir yerə toplanırlar. Çayın sahilinə gəlib axar suya baxmaq,  təmiz hava udmaq özü də bir sağlamlıq, steresdən uzaq olmaqdır.” Cövdət müəllim bura gələn insanların da ildən –ilə artığını bildirdi. Bura gələnlər üçün bulaqda var. Rayon İcra hakimiyyəti tərəfindən o gün səhərdən axşamacan bu əraziyə polis də təhkim olunub. Bura gələn insanların sayı hər il artır. Elə adamlar da var ki, səməni atmaq üçün Bakıdan və başqa rayonlardanda bura gəlirlər. Elələri də olur ki, bu adəti yaxından izləmək üçün bu gün burda olurlar. 

Bu mərasim təkcə səməni atmaqla bitmir. Burada nəzir deyib sədəqə paylayanlara rast gəlmək mümkündür . Tənzilə adında bir qadın bizə bildirdi ki, dilədiyi niyyəti baş tutsa, gəlib burda nəzir verəcək. Niyyətini nə olduğunu bilməsək də, arzusu baş tutmuşdu.

Bu bir xalq inancıdır. Xalqın yaxşı nəyə inamı varsa onuda etsin.