QUBADA IKT TƏLİMİ

         Qubada Azərbaycan Respublikası Gənclər və İdman Nazirliyi, “Uşaq və Gənclərin İnformasiya Texnologiyaları Sahəsində Maarifləndirilməsinə Dəstək” (UGİTSMD) İctimai Birliyi tərəfindən təşkil olunmuş “İKT inkibatorları: İKT texnologiyaları sahəsində gənc mütəxəssislərin hazırlanması və laboratoriyaların yaradılması” layihəsi çərçivəsində kompyuter biliklərinin təkmilləşdirilməsi  mövzusu  üzrə təlim kursu keçirilib.

                  Təlimdə həmçinin kompyuterin tərkibini təşkil edən hissələr haqda ümumi məlumat verilib. Kompyuterlərin yığılması: əməliyyat sistemlərinin quraşdırılması, lokal şəbəkə üçün kabellərin hazırlanması və şəbəkənin quraşdırılması, əməliyyat sistemlərinin təkmilləşdirilməsi qaydaları əyani olaraq göstərilib. 

         Təlimdə gənclər təlimçi müəllim Rauf Abdullayevin nəzarəti altında lokal şəbəkə üçün kabellərin hazırlanması və şəbəkələrə quraşdırılmaq prosesini praktik olaraq nümayış ediblər. Təlimdə kompyuter avadanlıqları və ehtiyat hissələrindən əyani olaraq istifadə edilməsi gənclərdə İKT texnologiyalarına olan  marağı və həvəsi bir az da artırıb.

         UGİTSMD İctimai Birliyinin sədri Rüstəm Əliyevin bildirdiyinə görə təlimin keçirilməsində məqsəd gündəlik həyatımızın çox hissəsini əhatə edən kompyuterlərin tərkibi ilə yaxından tanış olmaq, lokal şəbəkə üçün kabellərin hazırlayıb internete qoşulmaq və bununla bağlı İKT problemlərini göstərməkdir. 

         Rüstəm müəllimin dediyinə görə bu son kurs olmayacaq, “İnşallah qarşıda İKT-ilə bağlı daha geniş təlim gözlənilir”. 

           Təlimin açılışında Quba Rayon Gənclər İdarəsinin müdiri Mustafa        Nöhbalayevdə iştirak etmişdir.