Qubada qeza baş verdi

Dekabrın 5-i  gecə saatlarında Quba rayonu ərazisində yol-nəqliyyat hadisəsi baş verib.
 APA TV-nın şimal bürosunun verdiyi məlumata görə, hadisə Bakı-Quba-Dövlət sərhəddi yolununun 149-cu km-də qeydə alınıb. Quba şəhər sakini, 1968-ci il təvəllüdlü Yusifov Vidadi Yusif oğlunun idarə etdiyi “Mitsubishi” markalı avtomobil idarəetməni itirərək yolun kənarındakı ağaca çırpılıb. Qəza nəticəsində sürücü, onun həyat yoldaşı, 1973-cü il təvəllüdlü Yusifova Zəminə Adil qızı, övladları - 2001-ci il təvəllüdlü Eltac və 2002-ci il təvəllüdlü Samir müxtəlif bədən xəsarətləri ilə Quba Mərkəzi Rayon Xəstəxanasına yerləşdirilib.

Onların vəziyyətinin orta ağır olduğunu bildirilir.

Faktla bağlı araşdırmalar davam etdirilir.