MƏMUR ETİRAFI

Bu dəfə bir məmurdan yazacam. Bu şahid olduğum yox, eşitdiyim bir məmurun həyatından qısa bir hissədir. 

Bu 7 il ərzində tikib başa catdırmış evini qeydiyyata salmaq üçün məmur yanına gedən  bir müəllimin dedikləridir. 

Müəllim öz işi üçün bir neçə dəfələrlə məmurun qəbuluna gedib yeni tikdiyi evi yaşayış massivinə görə siyahiya saldırmaq istəyir. Müəllimlə məmurun araları yaxşı olsada məmur müəyyən səbəblərə görə müəllimin işini uzadır. Ancaq buna baxmayaraq məmur və müəllim arasında sıx dostluq yaranır. Bu mehriban münasibətdən istifadə edən məmur müəllimə öz vəziyyətini etiraf edir.

 Mən də bu vaxta kimi digər məmurlar kimi rüşvət almışam, bunu danmıram. Bununda səbəbi dövlətin bizim üçün təyin etdiyi 140-150 man maaşdır. Mən rüşvət almasam evə əli boş gedə bilərəm. Buda evdəkinin danışması üçün bir bəhanədir.  Son iki ildir ki, rüşvət yığışmışdı. Buna baxmayaraq bizə “hörmət edənlər”də olurdu. 

Qəbula gələnlərin öz əllərilə verdikləri “zəhmət haqqı” larını masanın siyirməsinə atmasına imkan yaradırdıq. Bundan sonar onu razılıqla yola salırdım. 

Vətəndaşların mənə verdiyi rüşvət yalnız avtomobilimin  benzin pulunu ödəyirdi. Indi benzinin qiyməti qalxdı. Mən belə vəziyyətdə nəinki sabah işə gəlmək, hətta hec evə gedib çata bilmərəm. Məcburam ki, nə yolla olur olsun vəziyyətdən bir təhər çıxım. 

Indi fikirim var ki, verdiyim arayışların qiymətini bir başa vətəndaşların özlərinə oxuyum. Necə deyerlər “Məmur kimi işləsəmdə, məmur kimi yaşa bilmirəm…”

Müəllim imzalanmış sənədlərini götürüb: “Bazar olsun” deyib otaqdan cıxdı.