RAMAZAN ORUCU

Islam dinin insanlara fərz buyurduğu hökmlərdən biri də Ramazan ayında tutulan Orucdur. Oruc  ibadət olmaqla yanaşı eyni zamanda insan nəfsinin sınağıdır. İnsan bir ay bounca gün ərzində-- Sahurdan İftara qədər  hec bir şey yemir, nəfsini Allah-Tealanın naz- nemetlərdən uzaq saxlayır. Bu həmdə insanın aclığa qarşı bir sınağı və səbr imtahanıdır. 

Bütün il boyu qidalanan insan ilin bir ayı ac susuz qalmaqla özünü belə imtahanla sınağa çəkir.

Oruc tutmaq həmdə sağlamlıqdır. Bu da bədənin fizioloji baxımından təmizlənməsidir. Otuz gün ac qalan bədəndə insanın orqaniziminə zərər verən mikro hüceyrelər insanın mədəsində yeterincə qida olmamasından tələf olur. 

Insan orqanizimini bir zavod kimi təsəvvür etsək, bu zavodun ildə bir dəfə olsun fasiləyə ehtiyacı var. Ramazandan sonra isə insanın həzm etdiyi qida yenicə istifadəyə verilmiş orqanlarda həzm olunur. 

Orucluğun sağlamlıq olması barədə Peyğambərimiz Hz. Muhammed (s.a.s)ın hədisini xatırlayıram.  “Oruc tutun, sağlam olun”

Ramazan ayı eyni zamanda Mərhəmət ayıdır. Bu ayda imkanlılar yoxsul kəslərə əl tutub, onlara fitrə, sadaqa, zəkat verməklə Mərhəmət qapılarını açır Cənnət savabını qazana bilərlər.

O halda Allahın bizə verdiyi bu fürsətdən istifadə edərək Cənnət savabını qazanmağa çox yaxınıq.