Qubada leysan yağışları nəticəsində 50 evə ziyan dəyib

SalamNews-un bölgə müxbirinin verdiyi xəbərə görə, bu barədə Qubada leysan yağışları nəticəsində ziyan dəymiş evlərə baxış keçirən deputat Vahid Əhmədov deyib. Onun sözlərinə, hazırda Quba FHK tərəfindən sakinlərə dəymiş ziyan hesablanır. Ziyan müəyyən edildikdən sonra FHN-nə müraciət olunacaq.

Leysan yağışları rayonun Alekseyevka kənd sakini Rahib Məmmədovun mənzilinə daha çox ziyan vurub. Belə ki, ev qəzalı vəziyyətə düşüb.

V.Əhmədov bildirib ki, mənzil yaşamaq üçün təhlükəli olduğundan ailə başqa yerə köçürüləcək. Həmçinin zərərçəkmiş şəxsə yeni mənzilin tikilməsi də planlaşdırılıb.

Deputat Quba sakinləri ilə görüşüb, 30-dan çox vətəndaşın müraciətlərinə baxılıb. Onların problemlərinin bir qismi yerindəcə həll edilib. Digər müraciətlər isə baxılması üçün nəzarətə götürülüb.

Mənbəə: http://salamnews.org/