KƏNDİN BƏRƏKƏTİ

 Rayon mərkəzindən uzaq bir dağ kəndin gündəlik həyatından biri idi. Həmişəki kimi işsiz gənclər tində dayanıb biri-birilərinə "nağıl" danışır, ağsaqqallar isə tarixi qədim olan köhnə kənd məscidinin qarşısına yığılıb indiki dövür üçün  itib getməkdə olan mentalitetdən danışırdılar. 

 Kənddə avtoşluq edən Vidiş avtomobilnın maqnitofununa yüksək səslə qoyduğu mahnı ilə gün ərzində aşağı- yuxarı şütüyürək kənd yollarındakı tozu ərşə qaldırırdı. Vidişin atası məmur olduğu üçün ona kənddə hərəkətlərinə görə söz deyən tapılmırdı.

 Kənddə ən pis vəziyyət isə axşamlar olurdu. Yuxusu ərşə cəkilən, əlindən normal bir iş gəlməyən kənd uşaqları axşamlar məscicidin arxasına yığışar, ibadət ocağının yanında dinə, əxlaqa zidd hərəkətlər edirdilər. Bunun ən pis tərəfi isə bu tüfeyli uşaqların səs-küylü gecə saatlarına qədər davam etməsi idi. Bir sözlə, kənddə ağsaqqalların dediyi kimi "əvvəlki bərəkət" yoxa çıxmışdır. 

Yenədə kənd ağsaqqalları yığışaraq bir yerdə idilər. Bu zaman kimsə onlara "Rüstəm gəlib" deyə xəbər verdi. Bu xəbəri eşidən qocalar narazılıqla deyinə- deyinə dağılışıb getdilər. Rüstəm haqqında eşidən qocalardan biri: “Yenədə gəldi, kiminsə qanına qəltan etməyə”. deyərək yığışdığları yerdən uzaqlaşdılar.

Bir az da Rüstəm haqda.

 Bu Rüstəm o Rüstəm idi ki, təxminən 10 il bundan qabaq Rusiyaya getmiş orada alver edərkən rus reketlərinin qəzəbinə gəlmiş, dava salıb bir rusu bıcaqla yaralayaraq qaçıb aradan çıxmışdır. Doğma rayonuna gələndə isə narkotika üstündə həbs olunmuşdur. Ömürünün 5-6 ilini "içəridə" yatıb azadlığa buraxılan Rüstəm məhbəsdə yatdığı zaman çıxmamışdan öncə özünə yüksək ad-san qazana bilmişdir. 

Qocaların dağılışıb evinə getməsinə səbəb Rüstəmin məhəllənin tininə çıxması idi. Rüstəm evdən cıxıb birinci olaraq dükana getdi. Dükana girib nisyə dəftərində olan bir-iki tanışının borcunu sildirdi. Bu dükancı üçün gözlənilməz hadisə idi. Bu zaman yanlarından sürətlə qırmızı Vaz 21-099 kecib 20 metr aralıda saxladı. Rüstəm bu mənzərənin şahidi olub Vidişı hərəkətinə görə onu “başa salmaq üçün" dükandan çıxdı. Ilk dəfə sərt baxışlı belə adamla qarşılaşmaq Vidiş üçün hec də xoş deyildi. Rüstəm sözünü deyib Vidişdən uzaqlaşdı. 

Rüstəm az-şox kənddəki əyrilikləri tədricən düzəltdi. Kəndin hər işində ağsaqqallar ilə məsləhətləşən Rüstəm artıq kənd camaatı ilə qaynayıb qarışdı. Bir sözlə kənd həyatını qaydaya saldı.

Ən yaxşısı isə kənddəki müqəddəs ibadətgah olan qədim məscidin ətrafı sakit idi. Kəndə bərəkət gətirən Rüstəmin sayəsində cox güman ki, bu müqəddəs ocaq öz qapısını mömin bəndələrinin üzərinə açsın.