GENCLER NURLU SABAHDAN DANIŞDILAR

Azərbaycan Respublikasının Prezidenti yanında Gənclər Fondunun maliyyə dəstəyi və Nurlu Sabah Uşaq Gənclər Təşkilatının təşkilatçılığı ilə Quba və Qusar rayonlarında may ayından start götürmüş “Gələcək naminə sağlam olaq” adlı layihənin bir hissəsi kimi 05-07 avqust 2013-cü il tarixində Quba şəhərində yerləşən Heydər Əliyev Mərkəzində təlim baş tutmuşdur.

Təlimin açılışından öncə gənclər Ulu öndər Heydər Əliyevin abidəsi önünə gül dəstələri düzmüşlər, daha sonra gənclər üçün Quba rayon İcra Hakimiyyəti Başçısı Mübariz Ağayevin təşəbbüsü ilə tikilərək son tamamlama işləri aparılan Gənclər Mərkəzinə tanışlıq gəzintisi təşkil olunmuşdur. 

Gəzintidən sonra Heydər Əliyev Mərkəzinin dəyirmi masasında gənclərin toplantısı davam etmişdir. Toplantıda Quba rayonu İcra Hakimiyyətinin məsul işçisi Rəxşəndə Bayramova, Quba rayonu Gənclər və İdman İdarəsinin rəisi Mustafa Nöhbalayev, Qusar və Quba rayonlarını təmsil edən bir qrup gənc iştirak edirdi. 

Tədbiri giriş sözü ilə Nurlu Sabah UGT-nin sədri Ramin Xudayev açaraq həyata keçirilən layihənin əhəmiyyətindən və üç günlük təlimin gənclər üçün mahiyyətindən söz açdı. Təlimin məhz Heydər Əliyev Mərkəzində baş tutmasını xüsusi vurğulayan təşkilat sədri layihənin region üçün daha uğurlu olmasını bildirdi. 

Digər çıxış edən natiqlər də dövlətin gənclərə göstərdiyi qayğıdan, Azərbaycan Gənclər Fondunun gənclər təşkilatlarına göstərdiyi maliyyə dəstəyindən və digər zəruri məsələlər haqda danışdılar. Tədbiri təlim formatında layihəyə təlimçi kimi cəlb olunmuş Hüquqşunas Həmid Məmmədov davam etdirdi. 

Təlimin ikinci günü iştirakçılara təşkilatın hazırladığı 

film nümayiş etdirildi. Müzakirələr aparıldı. 

Təlim 7 avqust tarixində 20 iştirakçı gəncin sertifikatlaşdırılması ilə başa çatdı.

http://qubalilar.biz/