ƏXLAQIN TƏMİZLİYİ

Bu yaxınlarda Xacmaza yaxın dostumun toy məclisinə getmişdim. Toydan çıxıb bir az gəzişdik. Söz yox ki, rayon son dövrlər  xüsusilə gözəlləşmişdir. Meydan və parklar qonaqlar və dincəlməyə gələnlərlə dolu idi. Hər tərəfdə fontanların suyu havaya sərinlik gətirirdi.

 Bizim oturduğumuz çayçının yaxınlığdakı besedkada 5 nəfər əyləşib söhbət edirdi. Onlar qız oğlan olmaqla iki cüt üzbəüz oturmuşdur. Onların yanındakı “5- ci şəxs” isə hələ yetkinlik yaşına çatmayan qız uşağı idi. Qızın 13 yaşı olmasada 12 yaşı olardı. Söhbətlərinə qulaq asmasam da başa düşdüm ki, yeniyetmə qız bunların hansınınsa, (çox gümanki yanında dayandığı)  qohumudur.

Buradakı ən maraqlı nüans isə nisbətən yaşlı qızların yeniyemənin yanında özlərini “buraxması” idi. Xanımlardan birinin yanındakı erkəklərlə əməlli- başlı mazaqlaşması qızı utandırır, onu belə mənzərəyə baxmamaq üçün özünü yana çevirməyə məcbur edirdi. Qarşısındakı xalaşkanın (ifadəmə görə üzr istəyirəm) aramsız ağızdolusu lopa-lopa sümürdüyü siqaretin tüstüsü yeniyetmənin üzünə dəyir, sanki onun sifətini acıqla yalıyırdı. Söylədikləri hər iki sözdən bir tam əxlaqdan kənar küçə ifadələri idi. 

Belə sıxtından ayrılıb qacıb canini qurtarmaq istəyən qıza yanında gətirdyi xalası acıqlanır, onu özünəməxsus qaydada tənbeh edirdi. “Yerindən tərpənmə!”  Nəyə görə xalası deyirəm, sən demə bu xanım özünə qohum olan bu bu yeniyetmə qızçığazı “bazlığa” gəzmək adıyla gətirib ki, sonra xanımın özündə olan “təmiz əxlağından” şübhələnməsinlər.

Bu haqda çox yazmaq istəmirəm. Daha deyə bilmərəm bu əxlaqsızlığın köhnə dəbidir və ya yeni qaydası. Burda belə bir deyim yadıma düşdü. “Cəhənnəmə yolçu olan özünə yoldaş axtarar” 

Bir şeyi xüsusi qeyd etmək istəyirək ki, belə mənzərələrin şahidi olan qızcığaz öz təmiz əxlağını qoruyub saxlasın.