Çempion mükafatını zəlzələ qurbanlarına bağışladı

London Yay Olimpiadasında qızıl medal qazanan İran güləşçisi, milliyətcə azərbaycanlı olan Həmid Məhəmməd Sourian qazandığı mükafatı Cənubi Azərbaycanda bir neçə gün əvvəl baş vermiş zəlzələdən ziyan çəkmiş soydaşlarımıza bağışlayıb. Bu idmançı yunan-roma güləşi üzrə 55 kq çəki dərəcəsində finalda məhz Azərbaycan təmsilçisi Rövşən Bayramovu məğlub etmişdi.
Londondakı Azərbaycan “derbisi”nin nəticəsində Rövşən gümüş, Həmid qızıl medal qazanmışdı. Qeyd edək ki, iki gün əvvəl İranın yunan-roma güləşi üzrə 96 kq çəkidə olimpiya çempionu, miliyətcə azərbaycanlı Qasem Rezai də qızıl medala görə pul mükafatını zəlzələdən zərər çəkənlərə yardım fonduna bağışlamışdı