"Xəmsə" İntelektual oyun

Qubada “Xəmsə” oyun üzrə ilk çempionat keçirilib

Qubada “Xəmsə” Milli İntellektual Oyunu üzrə ilk çempionat baş tutub.

Bu barədə məlumatı “Yurd” Gənclərin Vətənpərvərlik Klubunun sədri Ramin Mahmudov verib.

“Yurd” Gənclərin Vətənpərvərlik Klubunu nəzdində təsis edilmiş “Quba Xəmsə Klubu”nun təşkilatçılığı

və Quba rayon Gənclər və İdman İdarəsinin dəstəyi ilə keçirilən və zonada bir ilk olan bu yarışda rayonun

7 komandası 2 yarımqrupda mübarizə aparıb. Yekunda şəhər 5 saylı tam orta məktəbinin “Odlar Yurdu”

komandası çempion adını qazanıb. Müvafiq olaraq ikinci yeri şəhər 1 saylı tam orta məktəbinin “Quba,

3-cü yeri isə rus təmayüllü 3 saylı tam orta məktəbini “Zirvə” komandası tutub.

Tədbirin sonunda qalib və mükafatçılara müvafiq olaraq kubok və medallar, bütün iştirakçılara isə

diplomlar təqdim edilib.

Yarışda açıq zona birinciliyi da baş tutub.

“Xəmsə” üzrə V Azərbaycan çempionatının qalibləri Siyəzənin “Flaqman”, Şabranın “

Çıraqqala” , “Xəmsə” üzrə V Azərbaycan çempionatının zona qalibi Qubanın “Fətəlixan” və “Tələbələr”

komandaları arasında keçirilən açıq birincilikdə Şabran gəncləri qalib gəlib.

Qeyd edək ki, “Xəmsə” Milli İntellektual Oyunu üzrə 2007-ci ildən Azərbaycan Respublikası Gənclər

və İdman Nazirliyi və Gənclərin İntellektual İnkişafı Mərkəzi tərəfindən ardıcıl olaraq respublika

çempionatları təşkil edilir.

Klubdan verilən məlumata görə gələcəkdə belə yarışların müxtəlif təbəqədən olan gənclər arasında da

keçirilməsi nəzərdə tutulub.